نماز با جماعت کا طریقہ

                نماز کا طریقہ بتا کر قاری صاحب کچھ دیر کے لئے خاموش ہوئے تو سات آٹھ سالہ بچے عمیر نے پوچھا۔

                نماز با جماعت کیا ہوتی ہے؟

                نماز جو کئی لوگ ایک امام کے پیچھے ادا کریں نماز باجماعت کہلاتی ہے۔

                دن میں پانچ وقت کی فرض نماز، جمعہ کی نماز، رمضان میں صلوٰۃ تراویح اور وتر، عیدالفطر اور عیدالضحیٰ اور دوسرے بعض مواقع پر باجماعت نماز پڑھی جاتی ہے۔ جمعہ، عیدالفطر اور عیدالاضحیٰ کی نماز با جماعت ادا کرنا لازمی ہے کیونکہ جمعہ اور عید کی نماز انفرادی طور پر ادا نہیں کی جا سکتی۔

                دو یا دو سے زیادہ افراد مل کر باجماعت نماز ادا کر سکتے ہیں۔ اگر دو سے زیادہ افراد باجماعت نماز ادا کر رہے ہوں تو مقتدی امام صاحب کے پیچھے صف بنائیں۔ اگر دو افراد باجماعت نماز ادا کر رہے ہوں تو دونوں افراد ایک ہی صف میں کندھے سے کندھا ملا کر کھڑے ہو جائیں۔ مقتدی امام کے دائیں ہاتھ پر کھڑے ہو کر تکبیر کہیں اور امام کی پیروی میں نماز ادا کریں۔

            نیت

                یاسر نامی بچے نے سوال کیا۔

                باجماعت نماز کی نیت کس طرح کی جائے؟

                باجماعت نماز ادا کرتے وقت نماز کی نیت میں امام کی اقتداءکی نیت بھی کی جائے۔ مثلاً فجر کی باجماعت نماز کی نیت اس طرح کی جا سکتی ہے۔

                نیت کرتا ہوں میں دو رکعات نماز فرض کی۔ اللہ کے لئے۔ منہ میرا کعبہ شریف کی طرف وقت صلوٰۃ الفجر کا۔ پیچھے اس امام کے۔

                اس کے بعد تکبیر تحریمہ کہہ کر ہاتھ باندھ لئے جائیں اور ثناءاور تعوذ اور تسمیہ پڑھی جائے اور پھر امام صاحب کی قرأت سنی جائے۔ جب امام صاحب سورہ فاتحہ مکمل کر لیں تو آہستہ آواز سے آمین! کہیں۔ اب امام صاحب جن آیات کی تلاوت کریں انہیں خاموشی سے سنیں۔ قرأت کے بعد امام صاحب اللہ اکبر کہہ کر رکوع میں جائیں گے۔ مقتدی امام کی پیروی میں اللہ اکبر کہتے ہوئے رکوع میں جائیں۔ امام صاحب سمع اللّٰہ لمن حمدہoکہتے ہوئے رکوع سے اٹھیں گے ان کے پیچھے نمازی ربنا لک الحمدoکہتے ہوئے رکوع سے اٹھیں۔ غرض باجماعت نماز میں مقتدی کی ہر حرکت امام کی پیروی میں ہونی چاہئے۔

                فجر، مغرب اور عشاءکی پہلی دو رکعتوں میں امام صاحب باآواز بلند قرأت کرتے ہیں۔ ظہر اور عصر کی جماعت میں امام صاحب چاروں رکعات کے دوران باآواز بلند قرأت نہیں کرتے۔ مغرب میں تیسری رکعت میں اور عشاءمیں تیسری اور چوتھی رکعت میں امام باآواز بلند قرأت نہیں کرتے۔ نماز میں امام کی جانب سے باآواز بلند قرأت کو قرأت جہری کہتے ہیں۔ جبکہ نماز میں دل ہی دل میں تلاوت کرنے کو قرأت سری کہا جاتا ہے۔

                نعمان کے ذہن میں ایک سوال آیا۔

                فرض نماز اور سنت نماز کی ادائیگی میں کیا فرق ہے۔

                فرض نماز اور سنت نماز کی ادائیگی کا طریقہ دو رکعت والی نماز میں تو ایک جیسا ہے لیکن تین رکعات یا چار رکعات کی فرض نماز میں تیسری اور چوتھی رکعت میں سورہ فاتحہ کے بعد مزید تلاوت نہیں کرنی اور رکوع میں چلے جانا ہے۔ جب کہ سنت نماز میں تیسری اور چوتھی رکعت میں بھی سورہ فاتحہ کے بعد مزید کوئی سورہ تلاوت کی جائے یعنی سنت نماز کی ہر رکعت میں سورہ فاتحہ کے بعد کوئی سورہ تلاوت کی جائے پھر رکوع میں جائیں۔

            مختلف رکعات میں تلاوت کا قاعدہ

                پہلی رکعت میں سورہ فاتحہ کے بعد جتنی تلاوت کی جائے دوسری رکعت  میں اس سے کم تلاوت کم جائے۔ تیسری رکعت میں دوسری سے کم اور چوتھی رکعت میں تیسری رکعت سے کم تلاوت کی جائے۔ دوسرے الفاظ میں اس طرح کہا جا سکتا ہے کہ بعد کی رکعات کی تلاوت پہلے کی رکعات کی تلاوت سے زیادہ لمبی نہ ہو۔

                ایک بچے نے ہاتھ اٹھا کر اجازت چاہی اور پوچھا ہم نے اسلامیات کی کتاب میں فرض، سنت، واجب، نفل کے بارے میں پڑھا ہے۔ ان کا کیا مطلب ہے۔

            فرض نماز

                دن میں پانچ وقت نماز کی رکعات جو اللہ تعالیٰ کے حکم کی تعمیل میں رسول اللہﷺ نے ادا فرمائیں فرض نماز کہلاتی ہیں۔

                پانچ وقت نمازوں میں فرض رکعات مندرجہ ذیل ہیں۔  

                فجر                                           دو رکعت

                ظہر                                          چار رکعت

                عصر                                          چار رکعت

                مغرب                                     تین رکعت

                عشائ                                       چار رکعت

                سنت

                ان فرض رکعات کے علاوہ بھی رسول اللہﷺ نماز کے اوقات میں جماعت سے پہلے اور بعد میں مختلف رکعات ادا فرماتے تھے۔ نماز کی ان رکعات کو سنت نماز کہا جاتا ہے۔ سنت کی دو قسمیں ہیں۔

                ۱۔            سنت موکدہ

                ۲۔           سنت غیر موکدہ

                سنت موکدہ اور سنت غیر موکدہ

                فرض نماز کے علاوہ نماز کی وہ رکعات جنہیں رسول اللہﷺ نے مکہ، مدینہ یا کسی اور جگہ قیام کے دوران باقاعدگی اور تسلسل کے ساتھ ادا کیا ہے۔ سنت موکدہ کہلاتی ہیں۔ جبکہ سنت غیر موکدہ نماز کی وہ رکعات ہیں جنہیں رسول اللہﷺ نے کبھی ادا فرمایا اور کبھی ادا نہیں فرمایا۔

            واجب

                وہ عمل ہے جس کا کرنا ضروری ہے۔ لیکن جس کا درجہ فرض سے کم ہے۔

                نفل

                یہ وہ عمل ہے جو نہ تو فرض ہے اور نہ واجب۔ یہ ایسا اختیاری عمل ہے جس کا کیا جانا باعث اجر ہے لیکن اس کے نہ کرنے میں بھی کوئی حرج نہیں ہے۔

                وتر کی ادائیگی کا طریقہ کیا ہے؟

                وتر عشاءکی نماز کے ساتھ ادا کئے جاتے ہیں۔ وتر کی تین رکعات ہوتی ہیں۔ وتر کی ادائیگی کے لئے سب سے پہلے اس کی نیت کرتے ہیں۔ دو رکعات حسب معمول ادا کی جاتی ہیں۔ پہلے تشہد میں التحیات کے بعد تیسری رکعت کے لئے کھڑے ہو جاتے ہیں۔ تیسری رکعت میں سورۃ فاتحہ اور کوئی سورہ پڑھ کر اللہ اکبر کہہ کر رکوع میں جانے کے بجائے ہاتھ کانوں تک اٹھاتے ہوئے پھر باندھ لیتے ہیں اور اس کے بعد دعائے قنوت پڑھتے ہیں۔ دعائے قنوت یہ ہے:

                اللّٰھم انا نستعینک و نستغفرک و نومن بک و فتوکل علیک و نثنی علیک الخیر ونشکرک ولا نکفرک و نخلع و نترک من یفجرک اللّٰھم ایاک نعبد و لک نصلی و نسجد و الیک نسحی و نحفد ونرجو ارحمتک و نخشی عذابک ان عذابک بالکفار ملحقo

                ترجمہ: اے اللہ! ہم تجھ سے مدد چاہتے ہیں اور تجھ سے مغفرت چاہتے ہیں اور تجھ پر ایمان لاتے ہیں اور تجھ پر بھروسہ رکھتے ہیں اور تیری خوبیاں بیان کرتے ہیں اور تیرا شکر ادا کرتے ہیں اور تیری نافرمانی نہیں کرتے اور اسے ہم چھوڑتے اور اس سے علیحدہ ہوتے ہیں جو تیرا نافرمان ہے۔ اے اللہ! ہم تیری ہی عبادت کرتے ہیں اور تیرے ہی لئے نماز ادا اور سجدہ کرتے ہیں اور تیری ہی طرف دوڑتے ہیں اور خدمت کرتے ہیں اور تیری ہی رحمت کے امیدوار ہیں اور تیرے عذاب سے ڈرتے ہیں۔ بے شک تیرا عذاب کافروں کو پہنچنے والا ہے۔

                مختلف نمازوں میں فرض، سنت، واجب، نفل کی تعداد

صلوٰۃ        فرض       سنت موکدہ                               سنت غیر موکدہ         واجب       نفل

فجر           ۲             ۲ قبل از فرض          

ظہر          ۴             ۴قبل از فرض           ۲ بعد از فرض

عصر                          ۴                             ۴ قبل از فرض

مغرب                     ۳                             ۲بعد از فرض            بعد از۲سنت

عشائ                       ۴                             ۲بعد از فرض            ۴قبل از فرض                             ۳وتر بعد از سنت        ۲قبل از وتر               ۲بعد از وتر

جمعہ                          ۲                             ۴قبل از فرض           ۴بعد از فرض           ۲