Topics
Aik musawir ko khayaal aaya ke woh
neki ki tasweer tayyar kere.
Chunancha woh shehron aur dehaton mein
barson ghoomta raha. Aakhir aik roz usay aik nihayat hussain bacha nazar aaya
jis ka rang gora tha, ankhen mouti aur hayadaar theen, jism sadool aur mulaem,
peshani roshan aur farakh, dast o pa naram o naazuk thay. Woh fart musarrat se
chala utha.’‘ mil gayi, neki ki tasweer mil gayi.’‘ chunancha is
ne is bachay ki tasweer ko apne studio mein latka diya aur neechay likh diya.’‘
neki ki tasweer’‘.
Aik arsa ke baad usay khayaal aaya ke
badi ki tasweer bhi banani chahiye chunancha is maqsad ke liye woh duniya mein
nikal para. Bees baras tak ghoomta raha. Lakhoon karorron chehray dekhe, bad se
badter lekin is ki tasalii nah hui. Aakhir aik din usay aik ajeeb chehra nazar
aaya ke usay dekhte hi is ka dil nafrat o hiqarat ke jazbaat se bhar gaya. Ab
woh phir chala utha.’‘ mil gayi, mil gayi badi ki tasweer.’‘
Aur yeh tasweer bhi is ke studio ki
zeenat ban gayi. Arbab zouq is ke studio mein atay jatay rahay. Aik din 1
shakhs aaya aur un dono tasaveer ke samnay tasweer herat kar khara ho gaya aur
phir is ki aankhon se ansoo behnay lagey aur musawir se yeh keh kar chala gaya
ke yeh dono tasaveer meri hain. Allah Taala ne quran pak mein irshad farmaya
hai.’‘ shar aur kher ka zarra zarra tola jata hai.’‘
Quran pak mein yeh bhi irshad hai.’‘
Aap s.a.w kya samjhay ileen ( naiko karon ka maqam ) kya hai aur aap kya
samjhay sijeen ( badkaaron ka maqam ) kya hai. Yeh aik likhi hui kitaab ( film
) hai.’‘ insaan jo kuch bhi karta hai, is ki zindagi ka har amal aur
zindagi ki har harkat record ho jati hai. Yani bandah jo kuch kar raha hai,
sath sath is ki film bhi ban rahi hai. Allah Taala farmatay hain :
'Hum naiko karon ko nah sirf un ke
aamaal ka poora poora badla deingay balkay kuch ziyada hi inayat karaingay. Un
ke cheharon ko zillat aur siyahi se mehfooz rakhen ge aur jannat ki baharon
mein inhen daimi maskan ataa karaingay. Doosri taraf hum badkaaron ko un ke
aamaal ke mutabiq saza deingay, un ke cheharon par zillat barsaaen ge, inhen
hamari kahirana girift se bachanay wala koi nah ho ga. Un ke mun is qader siyah
ho jayen ge goya shab tareek ka koi tukda kaat kar un ke rukh par chipka diya
gaya ho. Yeh log sada jahannum mein rahen ge.’‘ ( Surah younis ) un
ayaat par tafakar karen to yeh wazeh ho jata hai ke insaan ke achay aur buray
aamaal ka aks chehray mein muntaqil hota rehta hai aur jo bandah jis qisam ke
kaam karta hai isi munasbat se is ke chehray par tasurat marqoom hotay rehtay
hain.
Nafsiat daan yeh baat jantay hain ke
har insaan roshiniyon se murakkab hai aur roshni ki yeh laharen insaan ki hasti
se ghair mehsoos tareeqay par nikalti rehti hain. Koi chehra hamaray samnay
aisa aata hai ke hum is chehra ko dekh kar khush ho jatay hain aur jis hasti ka
yeh chehra hai hum is ke garweedah ho jatay hain. Koi chehra hamaray samnay
aisa bhi aata hai ke hum is chehray mein se niklny wali lehron se bezaar ho
jatay hain aur chahtay hain ke jald az jald woh chehra hamari nazron se daur ho
jaye.
Jin logon ke dil Allah ke noor se
maamoor hotay hain aur jin logon ke dimagh mein khuloos, eesaar, mohabbat,
pakizgee aur khidmat khalq ka jazba hota hai aisay logon ke chehray bhi khush
numa, masoom aur pakeeza hotay hain. Un cheharon mein aisi maqnateesiat hoti
hai ke har shakhs qareeb hona chahta hai. Is ke bar aks aisay log jo ehsas
gunah aur iztiraab mein mubtala hain, un ke cheharon par khshont, khushki,
paivest, be ahangi aur karahat ke tasurat peda ho jatay hain aur yeh tasurat
dosray aadmi ke dil mein daur rehne ka taqaza peda karte hain.
Aayye hum dekhen ke hamari tasweer
kaisi hai ?
Sab kamon se farigh honay ke baad raat ko sonay
se pehlay qadam aadam aaina ke samnay kharray ho jaiye. Chand minute ankhen
band kar ke yeh tasawwur kijiyej ke meri zindagi ke pooray aamaal ka record
mere andar mojood hain aur mein is record ya apne andar mojood film ko dekh
raha hon. Ankhen khol lijiye aur aaina ke oopar bharpoor nazar dalie. Agar aap
ka chehra roshan hai, chehra par noor hai, masomiyat hai aur chehray ke
khadd-o-khaal mein muskurahat ki laharen daur kar rahi hain to aap bulaa shuba
neki ki tasweer hain. Aur agar aap ka chehra sogwaar hai, khushk hai, chehray
par nafrat o hiqarat ke jazbaat mojood hain, kibar o nakhwat ke assaar hain aur
aap ka chehra khud aap ko bura lagta hai to aap buraiee ki tasweer hain, yaad
rkhiye !
Qanoon fitrat yeh hai ke insaan ke har
amal ki film banti rehti hai aur har aadmi ki apni is film ke liye is ka apna
chehra screen hai. Karaman katbeen ki banai hui
film insani chehray par chalti rehti hai. Kya aap ne nahi dekha aik pareshan
haal, museebat ka mara aur gham ki chuki mein pisney walay aadmi ke chehray par
pareshani aur gham o alaam ke pooray pooray tasurat mojood hotay hain. Yaqeenan
aap ne aisay bhi aadmi dekhe hain ke aik aadmi khush baash logon ke hajhoom
mein daakhil hota hai to saari mehfil afsurdah aur paragandah ho jati hai aur
yaqeenan is duniya mein pakeeza nafs hazraat bhi mojood hain ke un ke wujood se
khushi, musarrat aur sukoon qalb ka bharam paaya jata hai. Allah Taala Surah All
Imran mein farmatay hain :
‘‘ Woh din aa kar rahay ga jab
baaz chehray noorani ho jayengay, baaz tareek siyah ro logon se kaho ke tum ne Allah
ko tasleem karne ke baad is ke ehkaam se inhiraf kya. Ab is ki
saza bhgto. Baqi rahay woh log jin ke chehray noorani hain. To yeh mustaqil Allah
ki rehmat mein rahen ge.’‘
KHWAJA SHAMS-UD-DIN AZEEMI
UN SCINCEDANO KE NAAM
JO 15VEEN SADDI HIJIRI MEIN
MOJOODA SCINCE KA
AKHRI UROOJ DUNIYA
KI TABAHI DHEKH KAR
EK WAHID ZAAT
KHALIQ KAINAAT
ALLAH KI TAJALI KA
IRFAN HASIL KAR LEINGE
