Topics
Woh aisi zaat hai jis ne tumahray
wastay aasman se pani barsaya jo tum ko peenay ko milta hai aur isi se darakht
peda hue hain jin mein tum charindey chore dete ho woh is pani se tumahray liye
khaiti, zaitoon , khajoor, angoor aur har qisam ke phal ugata hai. Be shak is
mein sochnay walon ke liye daleel mojood hai. ( Quran )
Barish ke baad aasman khil jata hai
aur hua baadalon ko ura kar le jati hai. Nah musalsal barish barasti hai aur
nah aasman khula hi rehta hai. Dono halatain yakke baad deegray waqay hoti
rehti hain. Agar barish lagataar barasti rahay to sabzian aur tarkariyan aur
zaroriat zindagi poori karne ke liye darkaar ghallay jal jayen ge aur aamad o
raft ke rastay maskhdoosh ho jayen ge. Kaarobar hayaat mein rakhna dar aaye ga.
Is ke bar aks agar barish barasna hi band ho jaye aur aasman khula rahay to
chashmon aur jheelon ka pani sarr kar khushk ho jaye ga, hua mein zeher naki
shaamil ho jaye gi aur is terhan roye zameen par bemariyan phail jayen gi,
chragahin sokht ho jayen gi, phool phulwari nahi rahay gi to makhiyan phoolon
se shehad haasil nahi kar saken gi aur is terhan shehad ki pedawar hi khatam ho
jaye gi jis mein insanon ke liye shifa rakh di gayi hai.
‘‘ Utarta hai andaza se jis ko
chahta hai, woh apne bundon se bakhabar hai aur un ko daikhta hai.’‘ ( Quran )
Har jaan daar ki zindagi ka madaar hua
par hai. Agar hua aik lamha ke liye bhi ruk jaye to har jandaar ke oopar mout
warid ho jaye. Pani jis ki ahmiyat ka tazkara ho chuka hai is ko aasman se
laane mein isi hua ka amal dakhal hai. Pehlay hararat ko sooraj ki madad se
bukharat mein tabdeel kar ke bulandi ki taraf urati hai aur un bukharat ka
zarra zarra kar ke baadal banati hai, phir un baadalon ko fiza mein chalati
phirate hai aur idher udhar le jati hai. Aur yeh bukharat barish ke qatray ban
kar zameen ko jhul thal karte rehtay hain. Imam ghazali farmatay hain :
Mashriqi hua baadalon ko oopar ki
janib junbish deti hai, shumali hua baadalon ke tukron ko yakja karti hai,
janoobi hua un ko rasnay ke qabil banati hai. Phir maghribi hua fitrat ki
soorat mein barish se zameen ko sairaab karti hai.
Hum hi hawaon ko bhaijtay hain jo ke baadal ko
pani se bhar deti hain aur phir hum hi aasman se pani barastee hain, phir woh
pani tum ko peenay ko dete hain aur tum itna pani jama kar ke nah rakh satke
thay. ( Quran )
Hua hi baadalon ko ura kar mukhtalif
maqamat par le jati hai aur kaasht car zameen mein se ghalla ogatay hain. Agar hua
nah hoti to baadal boujhal ban kar aik jagah thehray rehtay aur zameen un ke
pani se sairaab nah hoti. Neez kashtiyan bhi hua hi ke reham o karam par chala
phira karti hain. Hua un ko aik malik se dosray malik le ja kar jagah jagah
insani zaroriat ka maal o asbaab fraham karti hain aur yun har malik dosray
malik ki pedawar se faida uthata hai. Agar hua nah hoti to har malik ki pedawar
se sirf muqami makhlooq hi faida uthaati.
Hua safai aur pakizgee peda karti hai. Gandagi aur afoonat ko ura kar le
jati hai. Hua gird o gubhar aur rait ura kar baghoon mein latayen hai aur is se
darakht apne liye energy aur tawanai haasil karte hain.
Hua satah samandar par chalti hai to pani hua ke zor se kitni hi haqeer
cheeze saahil par la dalna hai. Yeh sab
is khudawand quddoos ki hikmat o maslehat hai jis ki zabardast tadbeer se
nizaam aalam chal raha hai.
Allah akbar !
Herat ka maqam hai ke karkhana qudrat ki aik aik cheez kya kya herat angaiz
kaam kar rahi hai aur ashraf almkhloqat insaan ki hayaat ke liye srgrdan hai.
Ae insaan !
Kuch to ghhor kar ke to kin kin tareeqon se Allah Taala
ki na shukri kar raha hai.
KHWAJA SHAMS-UD-DIN AZEEMI
UN SCINCEDANO KE NAAM
JO 15VEEN SADDI HIJIRI MEIN
MOJOODA SCINCE KA
AKHRI UROOJ DUNIYA
KI TABAHI DHEKH KAR
EK WAHID ZAAT
KHALIQ KAINAAT
ALLAH KI TAJALI KA
IRFAN HASIL KAR LEINGE
