Topics
Khuda apni mohabbat mein maal kharch
karne ka hukum deta hai is liye ke Allah yeh jaanta hai ke bandah sab se ziyada
maal o doulat se pyar karta hai. Allah ke liye kharch karna darasal Allah ki
makhlooq aur aadam o hawa ke rishte se apne behan bhaiyon par kharch karna hai.
Allah nah khata hai, nah peeta hai, nah pehnta hai lekin jab koi bandah apni
baradri ke aaraam o asayish ke liye Allah ki di hui doulat kharch karta hai to
yeh eesaar wajah qabuliat ban jata hai.
Khuda ki raah mein kharch karne ke
baad ahsaan jatana mohtajon aur nadaron ke sath hiqarat ka sulooq karne ke
barabar hai. Un ki khuddari ko thais lagana darasal un ki gareebi ka mazaaq ura
kar apni bartari saabit karne ke barabar hai. Momin un tamam kaseef jazbaat se pak hota hai.
Quran kehta hai :
‘‘ Ae imaan walo! apne sadqat
aur khairaat ko ahsaan jta kar aur ghareebon ka dil dikha kar is shakhs ki
terhan khaak mein nah mila do jo mehez logon ko dikhaane ke liye kharch karta
hai. Tum hargiz neki haasil nah kar sako ge jab tak woh maal Khuda ki raah mein
nah do jo tum ko aziz hai.'
KHWAJA SHAMS-UD-DIN AZEEMI
UN SCINCEDANO KE NAAM
JO 15VEEN SADDI HIJIRI MEIN
MOJOODA SCINCE KA
AKHRI UROOJ DUNIYA
KI TABAHI DHEKH KAR
EK WAHID ZAAT
KHALIQ KAINAAT
ALLAH KI TAJALI KA
IRFAN HASIL KAR LEINGE
