Topics
کیا میں تمہیں ایسی چیز نہ بتا دوں کہ جب تم اسے کرو گے تو ایک دوسرے سے محبت کرنے لگو گے۔ سلام کو آپس میں پھیلاؤ۔ چھوٹا بڑے کو سلام کرے اور سوار پیدل کو اور کم لوگ زیادہ لوگوں کو۔
حضرت ابوہریرہؓ ۔۔ ابن ماجہ۔ کتاب الادب۔ح۔3692
مسلم۔کتاب۔السلام۔ح۔5646
بے شک اللہ تعالیٰ سے زیادہ قریب وہ شخص ہے جو سلام میں پہل کرتا ہے۔
حضرت ابوامامہؓ ۔۔ ترمذی۔ابواب الاستیذان والآداب۔ح۔2500
جب تم میں سے کوئی اپنے مسلمان بھائی سے ملے تو اسے سلام کرے۔ اگر دونوں کے درمیان کوئی درخت ، دیوار یا پتھر حائل ہو جائے اور پھر ملاقات ہو تو اسے سلام کرے۔
حضرت ابو ہریرہؓ ۔۔ ابی داؤد۔کتاب الادب۔ح۔5186
جب تم کسی گھر میں داخل ہو تو اس کے رہنے والوں کو سلام کرو اور جب نکلو تو اس کے رہنے والوں کو سلام کے ساتھ چھوڑو۔
حضرت ابو قتادہؓ ۔۔ بحوالہ مشکوٰۃ۔کتاب الآداب۔ح۔444۔ض۔16
