Topics
مخزنِ جُود و سخاوت تھے قلندر باباؒ
معدن دانش و حکمت تھے قلندر باباؒ
ذہن افروز ہے ایک ایک رباعی اُن کی
منفرد شاعر فطرت تھے قلندر باباؒ
فیض یاب اُن سے ہوئے ان گنت انسان یہاں
سر بہ سر لطف و عنایت تھے قلندر باباؒ
سینہ تھا ، مخزن اسرار الٰہی اُن کا
رازدارِ صمدیت تھے قلندر باباؒ
ہیچ تھا تختِ شہی ان کی نظر میں بخدا
وارثِ دلقِ قناعت تھے قلندر باباؒ
یہ حقیقت ہے کلام اس میں نہیں اے راغبؔ
یوسفِ مصر ولایت تھے قلندر باباؒ
----------------------------
