Topics
مالکِ دولتِ عرفاں ہیں قلندر باباؒ
حق پرستوں میں نمایاں ہیں قلندر باباؒ
جو ہوا آپ سے منسوب ”عظیمی“ ٹھہرا
فیض کا ابرِ گُل افشاں ہیں قلندر باباؒ
مل کے یہ راز کھلا حضرت شمس الدین سے
علم کا مہر درخشاں ہیں قلندر باباؒ
مُنکشِف آپ پر اسرارِ شریعت بھی ہوئے
ناشر حکمتِ قرآں ہیں قلندر باباؒ
برخیا ، آپ کا نادر ہے تخلص بخدا
منفرد شاعر فن داں ہیں قلندر بابا ؒ
کیوں نہ ہوں فنِ رباعی میں بھی آپ اپنی مثال
فیضیاب درِ یزداں ہیں قلندر باباؒ
دل سے آواز یہ آتی ہے مرے اے راغبؔ!
سایۂ رحمتِ یزداں ہیں قلندر بابا
