Topics
مری بھی عرض کچھ سنئے قلندر بابا اولیاؒ
ذرا چشمِ کرم کیجئے قلندر بابا اولیاؒ
نبیؐ کے آپ شیدا ہیں غلام ِ مصطفیٰؐ ہیں آپ
غلام اپنا بنا لیجئے قلندر بابا اولیاؒ
ملے ہیں آپ کو غوث الوریٰؒ سے وصفِ لاثانی
مجھے بھی کچھ عطا کیجئے قلندر بابا اولیاؒ
نہ کچھ چاہت ہے دولت کی نہ لالچ جاہ و حشمت کی
کرم کی بھیک دے دیجئے قلندر بابا اولیاؒ
بہت ہی غمزدہ ہوں میں گنہگاروں میں شامل ہوں
مجھے اس سے بچا لیجئے قلندر بابا اولیاؒ
بنے ہیں آج مہماں آستانے میں ولی سارے
مجھے خادم بنا لیجئے قلندر بابا اولیاؒ
بھنور میں مؔوج عاصی کی پڑی ہے کشتی ہستی
ذرا اس کو ترا دیجئے قلندر بابا اولیاؒ
